User Profile

Gustora irakurri nuen Toure jaunaren abentura hau, arinago kaleratutako beste bi zeudela jakin gabe. Ondo egindako lana dela deritzot, baina ahal izanez gero irakurri ordenean. Beste miturbe@paperjale.eus erabiltzaileak esan duen bezala, bere une gazi eta gozoak dituen arren, zapore mikatzeko amaiera dauka.

Interesgarria egin zitzaidan irakurri nuenean, ez neuzkan euskaldunek sortutako proposamen distopiko asko inguruan eta hau eredu duin bat iruditu zitzaidan.

Pertsona batek Artxipelagoari buruz sortzen ari ziren bideojokoa erakutsi zidan. Durangoko Azokan ikusi eta aukera bat eman nion. Oso gogotsu irakurri nuen, konturatu orduko jadanik irakurrita neukan, bigarren denboraldiaren zain nago baina bitartean podcastaz gozatu ahalko dut.

Lehen liburukian aurkeztu eta garatzen hasi zena hobetzen doa hemen. Iraganari buruzko informazio gehiago lortuko dugu eta batzuentzat zentzugabea zirudienak logika bereganatzen du oraingoan.

Estetikoki ederra izaten jarraitzen du eta pertsonaia berriak sartzerakoan aniztasunaz gozatu ahal izango dugu.

Hasierako egoera hain erakargarria egin ez zitzaidan arren, astiro hobetzen doa. Lehen liburuki honen amaierarantz martxa interesgarria hartuz doa.

Estetikoki interesgarria iruditu zait, eta egileak dioen bezala Conan barbaroaren zaleek (zein zaleak ez direnek) hemen aurkitu diren hainbat irudi gozatu ahal izango dituzte.

Estetikoki sinplea den arren, iraniar jatorriko benetako neska (eta ondoren emakume) baten bizipenak eta ikuspuntua ulertzeko oso baliagarria iruditu zait.

Jainkoa, politika, gizartea, familia eta bestelako gaiak ulertzeko oso interesgarria, batez ere ekialde-mendebalde ardatzen artelko talka modu gizatiar eta pertsonalean kontatzen dituelako.

Istorio interesgarriak, alor estetikoa behar den bezala zainduta. Girotzea kalitate handikoa dela deritzot. 1950 inguruko AEBetako gizartean modu nahiko sinesgarrian finkatuta, animalia antropomorfikoen bidez. Pertsonaia protagonista astiro-astiro gogoko izatera gidatu gaitzakeen liburua. 5 istorio desberdin daude, batzuk beste batzuk baino erakargarriagoak apika, baina guztiak kalitate maila ganorazkoa erakusten dutenak.